Sigurimi i cilësisë
Si institucion i arsimit të lartë i akredituar ndërkombëtarisht, IBCM angazhohet që t’u ofroj studentëve shkollim të cilësisë së lartë që i përgatit ata për tregun e punës.
Akreditimi ndërkombëtar
IBCM është i akredituar nga agjensioni gjerman i akreditimit “Evaluationsagentur Baden-Wuerttemberg” EVALAG. Akreditimi nga EVALAG është i vlefshëm nga janari 2013 deri në janar 2018 si për akreditimin institucional ashtu edhe të programeve. Akreditimi nga EVALAG dëshmon që IBCM i përmbushë standardet më të larta europiane të cilësisë. EVALAG është agjension akreditimi i nivelit të lartë dhe është anëtar i plotë i Asociacionit Europian për Sigurim të Cilësisë në Arsimin e Lartë (ENQA). EVALAG gjithashtu ka audituar universitetet më të mira gjermane si Universitetin e Heidelbergut dhe Universitetin e Konstanz. Për të parë çertifikatën e akreditimit institucional ju lutemi klikoni këtu.
Diplomat e dyfishta
IBCM ka zhvilluar tre programe akademike të nivelit të lartë në partneritet me institucionet e arsimit të lartë në Danimarkë: Akademinë e Arsimit të Lartë Profesional Lillebaelt, Kolegjin e Biznesit Tietgen, dhe Kolegjin Universitar Lillebaelt. Pas disa vitesh informimi intenziv dhe këmbimi të shkathtësive, ku janë adaptuar programet e studimit sipas konteksit lokal dhe janë trajnuar intenzivisht stafi dhe mësimdhënësit, faza e zhvillimit të kurikulës të këtij partneriteti ka përfunduar në vitin 2014. Programet e studimit tani i janë dorëzuar plotësisht IBCM-së.
Partneriteti me institucionet daneze tani operon në nivelin e mbikëqyrjes, ku mësimdhënësit kyç nga Danimarka vazhdojnë të implementojnë mbikëqyrjen e cilësisë së procesit të provimeve dhe vlerësimeve të IBCM-së. Me funksionimin e kësaj marrëveshjeje, studentët e IBCM-së marrin diploma të dyfishta, që nënkupton se ata marrin diplomë nga IBCM dhe nga njëri prej kolegjeve partnere në Danimarkë me rastin e përfundimit me sukses të programit të studimit.
- Studentët e programeve Marketing dhe Menaxhment/Shitje dhe Marketing Ndërkombëtar dhe Menaxhim Mjedisi dhe Bujqësi marrin diploma nga Akademia e Arsimit të Lartë Profesional Lillebaelt (EAL).
- Studentët e programit Administratë Publike/Menaxhim i Shërbimeve Publike marrin diplomë nga Kolegji Universitar Lillebaelt (UCL)
Në IBCM, jemi të përkushtuar për transparencë dhe llogaridhënie në të gjithë praktikën tonë. Ne mbajmë anketa vjetore me studentët dhe stafin, rezultatet e të cilave i ndajmë me komunitetin tonë. Ne përdorim të gjeturat për të drejtuar trajnimin, zhvillimin, si dhe përmirësimin e kolegjit.
- IBCM Alumni Survey 2015
- IBCM Freshmen Survey 2015
- IBCM Student Satisfaction Survey 2015
- IBCM Freshmen Survey 2016
